巴塞炒唔起吼「細」

猪拉多纳

馬拉加對強隊例牌死守

踏入2014年，巴塞隆拿係就係有美斯復出，不過聯賽反而連和兩場失晒分，直接令西甲前列形勢變得緊湊，雖然榜首位置不變，仲係同馬體會同分，但就畀宿敵皇馬追至一分差距，下半季肯定有排鬥。今晚巴塞會喺主場對住由名帥舒斯達領軍嘅馬拉加，客軍防守力有番咁上下，「地上最強」未必炒得起對手，一於向中位數3.5球嘅2.28倍入球細埋手。

（now632台周一凌晨4:00直播）
尼馬養傷鋒力減

巴塞周中喺西盃8強首回合先失一球，然後憑美斯交出3個助攻，造就基斯甸泰路大演帽子戲法，加上對手擺烏龍反勝4:1。睇落好似好勁，但留意番「地上最強」最近兩次喺西盃奏捷之後，返到聯賽都先後失分畀馬體會同利雲特，表現好快走樣。尼馬家陣養緊傷，冇咗「新比利」喺前場做竄擾，美斯自然成為眾矢之的，樹大招風邊會易踢。

對家馬拉加今季雖然面目全非，不過主帥舒斯達勝在經驗豐富，亦都好有自知之明，每次鬥強隊都踢得好保守，聯賽首循環對住「三雄」巴塞、馬體會同皇馬係輸晒，不過敗仗全部一球起兩球止，好少大敗。況且馬拉加近期火力嚴重跌Watt，最近6仗都開入球細，想喺魯營入波難上加難，所以張峰相信佢地會一心死守，入球細機會自然大增。