阿仙奴全力爭聖保優勢

猪拉多纳

英超一哥阿仙奴今晚作客鬥修咸頓。阿仙奴首循環交手淨勝修咸頓兩粒，終止對手季初神奇之旅，如今兵工廠連盃賽在內已七連勝，氣勢比季初更勁，為保榜首優勢，定必拚盡務求雙殺對手，阿仙奴讓平半捧上盤。

（now 622周三凌晨3時45分直播）

修咸頓季初曾經造出一段聯賽八場不敗走勢，當中包括擊敗利物浦及打和曼聯，不過去年十一月中作客阿仙奴淨吞兩蛋，實力開始露餡，之後面對車路士、熱刺、愛華頓都輸波。阿仙奴普多斯基、辛迪卡索拉近期輪流發威，球隊連續七場比賽全部贏晒，後者近四仗入咗四球，加上傷愈嘅中場艾朗藍斯證實會隨隊，火力依然強勁。阿仙奴現時喺榜首優勢唔多，嚟緊二月、三月將會連場硬仗，現階段更加冇失分空間。
修咸頓內部立立亂

「聖人」修咸頓最近氣氛麻麻，意國前鋒奧斯華度喺操練時同荷西方迪講手，被內部處分停賽兩周，隨時被賣走，雖然事件暫時平息咗，但士氣始終唔及決心爭標嘅阿仙奴。阿仙奴上周五晚踢完英足盃賽事，比周六晚出戰嘅修咸頓多一日休息，體力上亦有些微優勢，小讓平半呢個上盤絕對值得支持。