PSG讓球和賀簽卡比耶

猪拉多纳

今日大年初一，斯維喺度祝各位讀者心想事成。法甲一哥聖日耳門（PSG）亦都出動，喺聯賽獨腳戲主場硬撼波爾多。雖然牌面PSG實力贏幾條街，但近期接連於盃賽及聯賽失利，明顯出現疲態，況且對波爾多總係吃盡苦頭，預計今仗會贏得好辛苦，不妨冷敲PSG贏一粒嘅讓球和。

（TVB 301周六凌晨3時30分直播）

PSG於法甲暫以3分領先摩納哥，啱啱仲以2,300萬鎊羅致紐卡素嘅法國中場卡比耶。不過該隊近期聯賽、法聯盃、法足盃三線作戰，眾將疲於奔命下，繼上周中法足盃爆冷遭蒙彼利埃淘汰後，上輪聯賽幾乎輸畀甘岡，明顯狀態跌Watt，卡比耶初嚟甫到，今仗未必披甲。

波爾多歇冬後頭5場輸咗3仗，不過佢哋上仗擊敗聖伊天及時止血，信心回升唔少。事實上波爾多對親PSG特醒，每次交手都咬得好緊。經過連續兩仗表現曳爆後，相信PSG返主場會打醒精神，贏番鋪唔難，但主勝得1.17倍實在太乏味，不如博有3.75倍嘅讓球和。