財神駕到票勁w贏

猪拉多纳

　　嚟到馬年，先同大家講聲恭喜發財。今期跑馬地九場賽事，望排位就好似好亂，但噚日睇飛，竟然好幾場有重心大熱門，事關九場賽事入面，有七場隔晚大熱門關莫雷拉事，睇嚟信雷神，應該有錢贏。

　　至於怪飛馬方面，噚日周某發現有三匹2檔馬擺明有重飛（見表），而我自己較為鍾意第三場「財神駕到」。呢匹馬對上六仗無論配潘頓定係其他騎師，獨贏賠率至少有10倍，結果冇一次跑得好係正常。上仗可能因為轉跑泥地，仲有48倍咁冷。

　　今次姚本輝安排呢匹馬回到谷草，由於改配杜滿萊兼且排埋2檔，隔晚明顯有重飛，獨贏賠率曾經得7.2倍。一匹全冇近績可言嘅馬，賠率跌幅竟然咁大，睇嚟係搏殺格，信得過。騎師王方面，莫雷拉得1.45倍，好難拗頸。