阿仙奴唔怕紅軍

猪拉多纳

SAS終結者玩轉晏菲路

弗爆阿仙奴再做「SAS終結者」！今晚英超早場上演重頭大戰，由利物浦主場硬撼阿仙奴，可能好多人都覺得「紅軍」主場好堅，實情佢哋今季喺晏菲路只係對埋啲魚毛蝦仔，既然「兵工廠」係今季唯一一支「SAS終結者」，今仗仲有埋韋舒亞復出夥拍奧斯爾搶中場，相信可以喺「福地」搶分而回，受讓平半要下盤。

（now621台周六晚8:45直播）

利物浦係英超「4哥」，成績咁好皆因主場12戰贏足10場，不過留意番賽程，「紅軍」呢12場波嘅對手大部分都係中下游隊伍，最強嗰兩隊只係修咸頓同今非昔比嘅曼聯，所以利物浦今季喺晏菲路根本未受過真正考驗。
哨牙蘇淨係恰弱隊

冇錯，由史杜列治同蘇亞雷斯合組嘅「SAS」鋒線確係聞風喪膽，佢兩個迄今已經合力攻入37個聯賽「士哥」，當中目前喺聯賽射手榜獨領風騷嘅「哨牙蘇」亦肯定係阿仙奴後防嘅眼中釘，但查實蘇亞雷斯嘅23球進帳入面，冇一球係嚟自上季頭4名勁旅（曼聯、曼城、車路士、阿仙奴），即係話「哨牙蘇」專恰弱隊，對住強隊就發軟蹄！

仲有，今季史杜列治同蘇亞雷斯11次喺聯賽齊齊披甲，當中10場波起碼有其中1人「士哥」，唯獨首循環對住阿仙奴就齊齊死火，證明「兵工廠」係「SAS終結者」。領隊雲格賽前仲要收到好消息，就係中場靈魂韋舒亞傷愈可以候命，鋒力都咪話唔得人驚。
利物浦防線3將打柴

利物浦上仗畀西布朗逼和1:1，你可以話因為高路托尼「送大禮」，但有睇場波嘅朋友，都發現西布朗攻勢唔少，連安尼捷比同謝拉都搞到「紅軍」防線立立亂，加上格連莊臣、丹尼爾艾格同馬馬度沙高3位防線要員仲養緊傷，試問利物浦點頂得住阿仙奴嘅進襲吖？況且「兵工廠」接近7年都未試過喺晏菲路輸過波，受讓抵玩！
阿仙奴對賽慣後上

紅軍近13次喺英超鬥阿仙奴得1勝。

阿仙奴近4次英超造訪利物浦，有3次喺落後情況下都搶到分。

雙方近4次交手大細單跳。
冷吼14倍「主和」

利物浦今季主場聯賽出擊12次，有10次能夠喺半場領先對手，但考慮到「紅軍」近年對阿仙奴都冇乜甜頭，「兵工廠」近4次作客利物浦有3次落後都搶到分，14倍「主和」有冷味，博得過吖！