皇馬平手盤睇定食

猪拉多纳

咧住３粒客戰「折箭」馬體會

今晚西盃4強次回合續演首都打吡，馬體會返主場惡鬥死敵皇馬。馬體會唔單止先輸0比3，兩大射手韋拿同迪亞高哥斯達仲因傷停缺陣，邊有本錢翻盤呀？皇馬近年作客食住對手，唔使讓波真係筍到暈，平手盤咪走寶。

（now 632周三凌晨4時直播）
Ｃ朗餓波謝斯仔當弗

首回合皇馬大勝3比0，並罕有地採取殺傷戰術，惡漢比比、艾比路亞、沙比阿朗素輪流「招呼」馬體會箭頭迪亞高哥斯達，令佢冇士哥之餘，下半場仲躁躁地侵犯迪馬利亞，搞到攞到黃牌停賽一場，馬體會冇咗佢攻力大打折扣，其拍檔韋拿仲養緊傷，兩大射手都缺陣，唔通靠雪到硬嘅阿祖安盧比斯咩？依家落後3粒大勢已去，啱啱喺聯賽又輸畀弱旅艾美利亞，眾將陷入信心危機，有乜本錢贏波？

由於聯賽仲要坐兩場波監，C朗好大機會喺盃賽披甲，鬥心唔使懷疑，新仔謝斯洛迪古斯連續4場有士哥，腳風超順，皇馬作客對住天殘地缺、士氣低落嘅馬體會，仲唔趁機踩多兩腳咩？況且皇馬近7次作客「床單兵團」贏晒，平手盤不容錯過。