多蒙特德盃作客克敵

猪拉多纳

德國盃今明兩晚進行八強賽，今晚法蘭克福主場鬥多蒙特。多蒙特聯賽爭標渺茫，歐聯又強手林立，德國盃已成今屆唯一希望，佢哋對上兩場作客聯賽均順利贏波，信心返咗嚟，就算讓到半一細鬼都揀上盤。
法蘭克福未夠班

法蘭克福歇冬後連續兩場主場均勝出，表現比上半季有進步，但球員平均質素始終同前列球隊有距離，聯賽首循環主場就曾經輸過畀今場對手多蒙特。

多蒙特對上兩場作客先後擊敗布倫瑞克及雲達不來梅，波蘭前鋒羅拔利雲度夫斯基冇話因為季尾離隊而影響鬥心，依然場場交足功課，加上「阿美尼亞施丹」米希達利恩及快馬奧巴美揚近期腳風亦好順，就算缺少馬高列奧斯、巴拉斯塞高斯基，細鬼相信多蒙特仍足以在法定時間之內解決對手晉級。