大熱75%上名 方嘉柏谷戰奇勇

猪拉多纳

　　方嘉柏季初靜蠅蠅，季中開始攻勢唔同晒，排名不斷提升，依家贏咗21場，愈來愈接近佢舊時副練蘇偉賢，兩者只係相差幾場。如果方仔唔努力，可能令人產生錯覺，副練一走，成績暴跌，即刻令人聯想到係咩一回事，所以，佢在未來日子必然繼續出手。

　　霸王本色復現

　　而唔覺唔覺，原來昔日谷中霸王方仔，截止目前，谷草頭馬又排番第一，手上已取12W，復現霸王本色，呢期佢兵多實力強，睇陣腳，唔會冇動作，視乎贏到幾多場啫。

　　查實今季方仔熱門馬好信得過，尤其谷草大熱門，錄得6冠8亞4季6負，即係有75%上名率！數字高成咁，谷中唔吼佢啲大熱門馬，仲有邊個馬房更加有保證喎？！

　　席上揀珍，方嘉柏馬房今晚可能被捧成大熱門嘅馬，離唔開「龍華太旨」、「奇勇」、「舖舖順」，會唔會贏晒3隻？真係好難講，不過咁，今季方仔暫時未有威得咁緊要，一期谷賽頂多贏到兩W，與其博佢中三元，倒不如揀兩匹作W過關好過嘞。Jack