天祿不容再失

不死鸟

前日沙田賽事，大摩食白果，不過蔡約翰就贏兩場起孖，現時兩者頭馬相差收窄至十一場，而馬季還有兩個月才煞科，相信大摩一心想再奪取冠軍練馬師寶座，現階段依然未可以鬆懈。今次大摩派出五駒上陣，其中不乏實力分子，相信今期他會有頭馬見面，而當中列陣第三場的「天祿」，今仗一定必拚無疑，皆因近兩仗馬匹都搏輸，是次一定決心交代。
「天祿」前仗轉跑泥地1650米，本身已心存大慾，可惜最後功虧一簣，埋門一步被「好芝味」以短馬頭位擒下，飲恨得第二名，之後上場牠轉戰谷草1650米，當然有心想補中贏馬，閘前更落飛至大熱門，可惜牠沿途走來蝕位兼不智，最後只跑第三名，捧場客再一次中伏。今次此駒轉回跑泥地1650米，當然是交代的時候。此駒前仗跑泥地1650米，所造出的時間是一班泥地贏馬時間，但竟然都要做二奶，當然相當不值，今次再戰此程，又面對贏牠的「好芝味」，不過今仗兩駒負磅相差至五磅，「天祿」已有能力反先，是次應可本利歸還！