華拉度列有雞偷

猪拉多纳

馬體會叉電砌歐聯

西甲今季三強鼎立，馬德里體育會異軍突起，打破以往巴塞隆拿同皇家馬德里單打獨鬥嘅局面，三隊不單分數一樣，連球差都好接近，鬥得相當激烈。正所謂有競爭先有進步，西甲榜首之爭有排鬥，反觀德甲只得拜仁慕尼黑獨大，就算打得幾好都冇用，冇嘢爭自然可觀性大減，客仔都少啲啦。

講番今次重心推介，馬德里體育會主場對華拉度列，主隊被捧成一面倒熱門，個W不足1.1倍，不過，佢哋嚟緊要打歐聯，有大波跟尾仲讓得咁狠，難免令人有戒心。馬體會近期踢落明顯走樣，佢哋之前保持穩定發揮，但好難長時期處於巔峰狀態，稍有回落係人知常情，今次主隊足足讓兩球，實在太辣喇，呢場可博下盤，兼顧入球大！

（now 632周六晚11時直播）
拜仁讓太辣捧對家

同日德甲拜仁慕尼黑主場對弗賴堡，拜仁嚟緊又係要應付歐聯，今戰相信都會有所保留，最重要係佢哋喺聯賽甩開晒，今場要讓到兩球半、三球，個盤真係太過分喇！講真，就算冇歐聯後顧，拜仁都係讓得太多，呢場投X策略一樣，推介下盤同大盤。

（有線61及201台周六晚10時30分直播）