FC悉尼立立亂撐光輝

猪拉多纳

新十五都過埋，大家都應該開工大吉啦！妹頭早早就開咗工喇，仲去咗日本大阪拍攝旅遊節目添！呢次去都係邊食邊玩，都算係幾輕鬆啦！日職就快重開，所以我都留意到街上有唔少相關嘅宣傳。依家呢邊巿面同體育報紙曝光率最高嘅梗係烏拉圭前鋒科蘭啦，話晒佢啱啱加盟大阪櫻花嘛！至於喺香港嘅球迷，就梗係要繼續留意我哋有線嘅報道同直播啦！
科蘭登陸 大阪火熱

講開世界級球星嚟亞洲搵食，除科蘭之外，亦令我諗起依家踢緊澳職嘅迪比亞路！不過，佢効力嘅FC悉尼目前就真係亂過亂世佳人，最近八場只贏得一場，睇嚟季後賽又唔使預佢哋喇，當地球迷已經示威要教頭法連拿落台，有傳內部唔多和諧，矛頭亦係直指呢位教頭。FC悉尼現時冇軍心又冇士氣，真係唔知班球員會唔會夾埋玩嘢，送呢位老細一程呢？

珀斯光輝自從幾個月前換帥後，表現平穩咗，前排仲簽咗幾件新兵，起碼有決心爭踢季後賽吖，尤其今場都算係關鍵嘅「6分波」，想玩季後賽就一定要過到同級對手FC悉尼呢關，珀斯光輝有得受讓平半，梗係撐下盤啦！

（有線64及203台周六下午2時30分直播）
妹頭推介

FC悉尼Vs珀斯光輝

珀斯光輝（下盤）