般尼鬥般尼大大殺起

猪拉多纳

今晚英冠「雙般尼」大戰，般尼茅夫主場大戰般尼，般尼茅夫攻強守弱，皆因主帥艾迪侯域崇尚主攻踢法，至於般尼為保「阿二」之位唔會踢得保守，希望以勝仗嚟增加獲得直接升班資格嘅機會，科娜認為今場揀大啱數！
般尼茅夫少帥重攻輕守

艾迪侯域喺09年就被般尼茅夫任命為領隊，成為英冠史上最年輕領隊，少帥普遍有個特質就係進取、敢創新，艾迪侯域亦然，佢令到般尼茅夫變成一隊主攻球隊，而且佢曾喺史雲斯同現任利物浦領隊羅渣士共事過，早前接受訪問不諱言依家般尼茅夫嘅踢法正係學緊羅渣士注重地面進攻嗰套，但係呢種短傳入滲踢法並唔係一時三刻可以做到，般尼茅夫一旦失去攻守平衡，淨係掛住進攻，自然會忽略防守，所以點解般尼茅夫暫時係今季失波第二多球隊。

英冠頭兩名球隊將獲得來季直接升班資格，而上場贏咗波升上第二嘅般尼其實只係領先排第三嘅昆士柏流浪（QPR） 3分，仲要比QPR打多一場，所以要保住第二並唔係咁樂觀，今場作客都唔會踢得保守，再加上一對箭頭丹尼艾格斯同禾基斯由季初弗到依家，至今已一共入咗33球咁多，今場一於捧大盤喇﹗
TVB 301周六晚11時直播