韋根做東大宴班士利

猪拉多纳

周中戰火連連，除咗歐聯重開之外，今晚英冠仲有三場補賽，阿king特別推介頗為英超球迷熟悉嘅韋根，呢支剛喺英足盃將卡迪夫城踢出局嘅球隊喺主場對住尾二嘅班士利，韋根近期攻力唔差，喺主場出戰就更犀利，大盤捧得過。

（周三凌晨3時45分開賽）

今季降到英冠嘅韋根唔見有超班表現，上年年尾仲深受降班威脅，但有料領隊路斯拿一上任後即一洗頹風，依家同排第六嘅雷丁雖然相差七分，但打少兩場，所以取得升班附加賽參賽資格嘅機會並不渺茫，今仗主場對住頹勢嘅班士利絕不留手，贏波冇難度，但鑑於主勝得1.47倍冇肉食，阿king推介1.92倍嘅大盤，皆因韋根攻力強勁，上場英足盃作客卡迪夫城都能夠攻入對方兩球，返到主場就更加唔使講，近四仗主場皆入兩球或以上，對住防守脆弱嘅班士利，有機會大炒對方。
打比郡作客讓波捧對家

另外，錫周三主場對打比郡，主隊近期氣勢強勁，已經漸漸脫離降班威脅，上場輸畀韋根都只係對手把握力強同埋太早失波，今場對住近三作客都贏唔到嘅打比郡，受讓值捧。推介多一場英冠賽事伊奧維主場對屈福特，屈福特係地頭蟲，主場能夠取得四連勝兼不失一球，但作客就連續十場不勝，近三場作客更一共失咗十粒，根本讓唔起伊奧維，捧讓球主勝。