馬得利重票實搏

猪拉多纳

　　今期谷草八場賽事，實力馬唔算多，好多場飛數都好亂，唔係冇可能爆冷，如果大家有心水冷馬，不妨拎做膽，隨時有收穫。

　　噚日睇飛，發現第六場「馬得利」好多飛，獨贏賠率曾得4.4倍。話說呢匹馬上仗跑谷草1000米，閘前有21倍咁多，今次點解咁多飛？之唔係增程跑番首本路程谷草1200米囉。講開又講，呢匹馬向來飛到馬到，如果跑谷草1200米成為熱門，就更加穩陣。睇番紀錄，「馬得利」至今有四次跑谷草1200米獨贏賠率5倍以下，結果成績係三冠一殿（見表），咪話唔巴閉。今次佢又返呢個路程，兼且強配潘頓，如果閘前獨贏賠率仲5倍以下，一定要捧W。

　　騎師王方面，潘頓今晚坐騎唔錯，有3.75倍抵玩。(周仲)