羅馬接班出色半勝值博

猪拉多纳

無論係企業，或者球隊，都要面對接班問題，羅馬「托迪時代」已近尾聲，但球隊成績不跌反升，教練魯迪加西亞居功至偉，佢擅長發掘小將，提升佢哋嘅作用，逐漸將托迪影響力減低。即使「羅馬王子」上仗因傷倦勤，一樣取得大勝。反觀博洛尼亞失去領袖人物迪亞文迪，變得群龍無首，恐怕半場都招架唔住來勢洶洶嘅羅馬，客Ｗ回報麻麻，直取1.95倍半場客勝。

羅馬喺魯迪加西亞執教下，重用迪斯度、費奧倫斯、比真歷、史杜特文、拿積等「90後」新生代，以活力及衝勁同對手周旋，效果理想。反而托迪在陣時，行軍節奏卻被拖慢，影響進攻流暢性。就以上仗托迪養傷為例，迪斯度表現顯得生龍活虎，個人梅開二度，助球隊大勝森多利亞3比0。托迪繼續缺陣，相信羅馬又可以採取以快打慢踢法，爭取盡快打開缺口。
博洛尼亞失重心好傷

博洛尼亞以往幾乎由迪亞文迪一人支撐球隊進攻重任，但佢早前轉投中超球隊廣州恒大，博軍火力大打折扣。今仗仲有兩位中場法蘭斯高達拉洛卡、迪亞高佩雷斯分別因傷倦勤及停賽，陣容不整之下，更加難同羅馬鬥，隨時半場就要棄械投降。
TVB 301周日凌晨3時45分直播