卡城保錢途侯擒

猪拉多纳

主場遇同級對手搶分良機

剛過去周中歐聯十六強成為客隊天下，去到呢個階段優勝劣敗，其中法國名牌球隊巴黎聖日耳門大炒德甲大軍利華古遜，表現真係好突出，有條件成為一路奇兵。家陣德甲都係打隊拜仁，其他球隊未成氣候，一打歐戰就現形，利華於德甲位居前列，但出到歐洲賽輸到冇得還手，大敗後隨時影響埋聯賽成績，今周大可反多鋪！

講番今次重心推介，英超卡迪夫城主場對侯城，捧主隊！「卡城」老細陳志遠搵名氣教頭蘇斯克查帶隊，之前仲開水喉畀佢買人，落重本幫球隊護級。梗係啦，若然真係保唔住英超席位，球會收入大縮水，到時佢都唔知跌幾多！卡迪夫城今次面對同級球隊侯城，仲有主場之利，絕對係搶分最佳時機，平手盤值得捧場！

（now 625周六晚11時直播）
小心皇馬贏波輸盤

西甲方面，皇家馬德里主場對艾爾切，以波論波係人都知皇馬高好多，今場個盤都讓得好狠，足足讓到兩球半、三球，真係誇張！講真皇馬砌盡就話大炒唔難，但佢哋有歐聯後顧之下，未必會全力出擊，今仗隨時贏波輸盤，呢場可博下盤，進取啲兼顧埋入球大，一於嚟個雙殺！

（now 632周六晚11時直播）