路路發轉場有計

猪拉多纳

　　今次谷戰第三場僅九駒報名角逐，戲碼異常冷清，怎麼編場大員將這場安排於第一口孖T頭關？由於可揀馬匹無多，驟令中獎機會大增，馬會一心送大禮乎？按照常理推測，第二場「遺材賽」局勢混亂，而且出足十二駒，應該置於第一口孖T頭關才是。

　　賭博士認為，馬會編場前必經深思熟慮，由此帶出一個訊息，就是今次第三場參戰馬雖少，然而卻是冷門溫床，危機四伏也！

　　橫睇掂睇，是場「金叻星」在港四戰皆北，臨場勢成冷門之一，但當中存在幾個變數，不排除有力成功爆出！其一，今仗是此駒轉倉初出；其二，馬兒現評60分，居然不落四班角逐；其三，渡江比賽乃新嘗試。若以馬論馬，前仗此駒跑田草1600米追勢極佳，若非全程走外兼途中遇阻，三甲一席應有份，今以一哩卡士來爭谷草最短途，誠是大超班馬！

　　既然講開第一口孖T頭關，不妨再睇睇次關馬匹。「路路發」氣量頂多一哩，上仗竟跑1800米，明知不可為而為，目的顯然寓賽於操。屢拼不逞的轉倉馬，終於變招向谷草打主意，復配上名經手人安國倫，心存大欲！(賭博士)