馬利多跳程偷襲

猪拉多纳

　　今次推介第五及第七口孖寶。第五場四班2200米，形勢頗為混亂，「馬利多」除至今在港六戰從未上名外，今仗谷草大長途亦是初跑，表面睇難有捧場原因。不過，如翻看其來港前賽績，便發覺牠曾於2136米路程贏馬，可見氣量充沛，今突然大幅增程，應有偷襲意圖。「勇先生」剛贏完谷草1800米，匆匆再出大有乘勝追擊之意，唔怕再追。

　　第六場四班1650米，「繽繽紛紛」跑法靈活，最合窄場發揮，而至今唯一上名正正就是今仗谷草一哩，此仗檔佳可望在早段守好位，待入直路一攻而破。「升力」上場同程檔差都入Q，檔位轉好當然有一爭之力。

　　至於第七口孖寶頭關第七場三班1650米，「喜勁駒」向來休出表現最好，今次番接近兩個月先跑，合乎方搏殺模式，出埋王牌贏面大。「信心出擊」雖已連勝兩場，但愈贏愈勁，明顯處於大勇階段，有心用盡為止。

　　第八場三班1200米，「三和福將」一連兩仗在田草及泥地上名，今次轉往谷中上陣，雖然場地缺乏根據，但曾在谷中試閘應已試準性能，韋達重視之馬必盡快交代。「幸運日」剛剛贏完同程，今次換個吳嘉晉上去，告仔有心博你唔信，千祈咪睇小。(耀鈞)