雷神停賽3日 韋達繼續揸fit

猪拉多纳

　　韋達好耐冇試過咁叻仔，依家呢個時勢，佢1日贏到兩場已經係天大喜訊，上次沙田大賽日子，畀佢連中三元，全日埋單計數，9駒3冠5亞，差不多唔場場冇佢唔使旨意中Q，突然之間，冠軍騎師歸位了，唔知有冇本事可以由沙田叻到嚟谷草。

　　由呢次谷草賽事開始，雷神停賽3日，呢個檔期之內，究竟係潘頓叻啲，定係韋達繼續「安哥」？有時啲嘢話唔埋，可能殺出個安國倫或田泰安都未定，以馬論馬，呢次都似係韋達揸fit。

　　今次佢老哥騎足咁多場，隔晚騎師王已經多飛，細看各場佢啲坐騎賠率，冷到震得1匹「皇仁威龍」，熱門有3匹，分別有「滿貫豐采」、「回鄉更好」和「三和福將」，當中最可信自必然係前駒，攞呢匹馬份賽績出嚟，都冇邊匹對手有佢咁穩健。

　　勁友福諗得過

　　其他場次馬匹，「勁友福」呢匹冷馬諗得過，近期場場用華將，兼跑唔合腳法田草，呢次部署好唔同，返回最佳路程谷草一哩，又換上韋達，米高鄭仲唔係有意思郁手。Jack