票勁實砌要感恩

猪拉多纳

　　噚晚睇飛，大部分票數都落上仗跑入三甲馬身上，今次可能開番熱門都未定。

　　第三場四班1600米，「感恩」今季跑八次，結果三次跑入前四名，表現算係不過不失。不過，最得意係佢大前仗跑完第四名之後，前仗換貝湯美反而無人問津，閘前冷至16倍，最終果然唔得，淨係得第六名，而上仗「感恩」換呂卓賢續跑同程，獨贏冷至13倍，結果跑第五名。呢個情況，或多或少反映呢匹馬睇飛食飯，因為佢對上五次獨贏7.5倍以下賽事，共獲冠亞季殿各一及一席第五（見表），今次佢隔晚得7.2倍要信。

　　騎師王方面，韋達胯下實力坐騎多，有3倍抵玩。(周仲)