聖伊天主場食住摩納哥

猪拉多纳

今晚法甲早場聖伊天喺主場迎戰「暴發戶」摩納哥。摩軍雖然今季大灑金錢，購入法卡奧、摩天奴、占士洛迪古斯等猛將，但老帥雲尼亞里嗰種想贏怕輸嘅心態，經常令球隊進退失策，上仗若非蘭斯臨尾打少個，隨時又失分，而且名牌效應下，其賠率被唱得太熱，勁唔抵玩。

聖伊天屬法甲正氣波，尤其喺自己地頭出擊非常穩定，之前6仗主場聯賽贏咗5場，老牌射手白蘭達奧亦重拾射門鞋，加上近年交手食住摩納哥，今仗開出平手盤，聖伊天可謂坐和望贏。
TVB 302周日凌晨零時直播