紅軍朝「聖」好「大」鑊

猪拉多纳

3大中堅跌Watt唔掂

足總盃出局，令利物浦專心爭逐英超第4。利記上場主場險勝史雲斯4:3，穩守第4位，同榜首車路士亦只差4分，絕對有機會爭奪首個英超錦標。今晚佢哋作客「聖人」修咸頓，兩隊都有番咁上下攻擊力，隨時上演入球騷，一於捧1.57倍入球大！
利記連開4場大

紅軍上場成功獵殺「天鵝」，入4球波絕對係火力十足，但同時亦失咗3球波咁多！皆因後防球員犯唔少錯，好彩兩度被對方追平都保持住正面心態比賽，得以險勝而回。紅軍防線唔掂，最大原因係中路守將史卡迪爾同丹尼爾艾格表現跌Watt，高路托尼又經常犯錯，佢哋近4場比賽全部都係大手交易，今晚梗係繼續追大啦！
「聖人」3國腳孭飛入波

另一邊廂，主隊修咸頓先喺足總盃畀新特蘭踢出局，再喺聯賽不敵韋斯咸，已經連輸2場。不過整體嚟講修咸頓今季表現相當穩定，前線球員把握力十足，喺3位英格蘭國腳列基林拔、拉爾拉拿同積洛迪古斯帶領下，唔擔心冇波入。況且「聖人」係今季英超唯一一隊能夠喺晏菲路擊敗紅軍嘅球隊，又試過主場3:1大炒利記，今晚兩隊對決，隨時上演入球騷！