見招拆招：銀太陽同蔡明紹合拍

不死鸟

剛戰大開紅盤，都算係一大異數，事關韋達停賽，大熱門上名率都咁高，唔係咁易估到。今晚韋達繼續停賽，但估計唔會連開兩日大熱賽果，都係向半冷門埋手。

　　第七場三班千二米，「酒勝」前速快，排七檔亦有機會搶埋欄，呢隻馬大前仗響田草千二米輕勝「鄉村傳奇」、「軍策令」，今次再遇後兩駒，再贏一次有何奇﹖

　　尾場一班一六五○米，「銀太陽」同程十一戰獲五冠兩亞兩季，前仗出戰同程配魯柏軒都跑第三，可見一哩實力確係強勁，今仗回配贏馬拍檔蔡明紹，人馬合拍，有力重開勝門。