天鷹請昌博你唔信

不死鸟

第五場三班2200米。「浦紅之友」目前還低於上次贏同程時8分，一再跑嫌短的1600都有段追勢，確認狀態已有九分水準，這次終於肯安排重遊勝途，查季內餘下再無谷草大長途賽程，馬房必會好好把握今次機會，夥拍杜利萊，騎練正值蜜月期信得過，有權爆半冷。「好著數」前次由柏寶贏同程姿態從容，上賽改配湯智傑跑田草1800表現也不差，本身屬季尾表現特佳之輩，今次用番柏寶比前次贏馬時還要輕一磅何其�魯担瑢俳駡稣�路實力馬。「經典再現」前仗受前駒讓一磅輸條頸，今次兩駒負磅拉遠至5磅，主帥未能造磅而改配普萊西，騎練久未合作必砌。「百贏萬歲」一再於偏淋場地跑得好，外地贏過2000米，今次移師谷草跑2200可能正是搏殺落點，結合在韋健仕胯下兩戰俱上名，必須加入考慮。
第四場四班1800米。「天鷹」上次重返主場即有飛，惟全程走三疊都拒絕輸遠，今次有一哩唔報寧揀1800米，其實同程曾入Q兼正正係C欄取得，改配馬偉昌無非博你唔信，必須高度留意。