馬龍王子外檔仲好

猪拉多纳

一年一度本地四歲馬盛事香港打大賽，入選參賽馬匹名單已於周三公布，一如所料，大摩馬房佔最多，共有四駒，當中兩匹擂台躉「威爾頓」及「步步威」屆時必然擔起整個電算機。從近績來看，此兩駒無疑相當突出，但打途程2000米均是初跑，是否一定合適，仍存在些少疑問。

　　相反，鄭俊偉馬房一對「信利多」及「畫出傳奇」就有根據得多，牠們來港前同樣贏過2000米以上途程，而前駒更自從香港經典一哩賽不敵大摩雙雄跑第三後，沒有安排角逐香港經典盃，決心等呢場正本戲先再出，部署上相當清晰。所以，今屆打真係大摩玩晒，筆者覺得未必，下周排位後再詳談。

　　講番周日沙田泥草混合賽事，莫雷拉停賽期滿復出必然是焦點所在，加上胯下惡馬多，應該又可以連場數胡。不過，另一位復出騎師郭能也不可輕視，事關他少有地騎足十場，子彈已經夠多，實力坐騎亦唔少，其中列陣第四場四班泥地1200米的「馬龍王子」就最有重視價值，同程乃目前最佳出路，已累積一冠兩亞兩季，而排10檔以外五次更獲冠亞季殿負各一，可見此駒要望空競跑，避免混在馬群中才能發揮應有水準。今次抽得12檔晒數，有力取得季內第一W。耀鈞