摩納哥炒得起魚腩索察

猪拉多纳

摩納哥上周作客聖伊天輸0比2，被榜首巴黎聖日耳門拉開8分，爭標機會大減，不過其實唔怪得佢哋，事關聖伊天係近兩季法甲主場表現最穩定嘅球隊之一，今季主場成績亦係排第二，摩納哥輸波可以理解。今周摩納哥返回主場迎戰尾二嘅索察，正好係反彈好時機，首席射手法卡奧雖然仍在養傷，但兩名年輕小將利維亞尼、謝明已經用入球證明力足擔大旗，而且後備席上仲有貝碧托夫呢位經驗老將，有力大炒全法甲作客成績最曳兼失波最多嘅索察，讓球主勝穩開。
TVB 302周日凌晨3時直播