振興中華泥地轉出彩虹

猪拉多纳

俗語話「上陣不離父子兵」，尋日就有一對父子賴建國及賴偉業同場均有派馬列陣，分別係「偉寶之星」同「振興中華」，結果囝囝青出於藍，名下「振興中華」於蔡明紹胯下以鼻位之先，力壓何澤堯策騎嘅「快快贏」奪得頭馬，而「偉寶之星」後上跑季軍，炮製一條父子位置Q。
       
振興中華轉跑泥地勝回一仗。
開出父子位置Q

「振興中華」自從前季喺田草1000米一出即勝後，未能再添進帳，更未曾喺轉彎路程上名，今番卒之喺泥地1200米搵到出路。馬主賴偉業表示馬匹經已六歲，落腳轉慢，加上外地有膠沙地賽績支持，所以告東尼安排轉爭泥地1200米，配合降落四班及好檔，終於重開勝門。