紅運飛駒谷草都得

猪拉多纳

　　今次谷戰提供第五及第七口孖寶。

　　第五場四班1200米，「紅運飛駒」跑過兩次均為田草，分獲一殿一第五，表現算不俗，今次突然轉戰谷草絕不可輕視，事關在港同父馬如「星運俊爵」及「樂有贏」等，均是窄場好手，有理由相信前駒亦合此場地，檔佳爭勝機會不俗。「駕聖」有剛戰首本泥地短途不報而跑今場，擺明有計，事實同程亦有上名紀錄，咪睇小。

　　第六場三班1200米，「雪風神駒」在港至今唯一頭馬正是配蘇狄雄跑同程，今仗屬人馬季內首次合作，有晒出擊手影，冷門博得過。「根深柢固」上場同程走光後上得第五，復課後即由安國倫接手，並初戴來港前的贏馬配件眼罩，部署正面，可見有求勝決心。

　　第七場三班1000米，「上浦猛將」已連續兩仗於同程獲一冠一亞，明顯踏入穩定期，上場受讓6磅僅以頸位不敵「金」，今次負磅差距拉闊至受讓9磅，勢可反先。「食得好」評分肯定仲有上升空間，轉戰谷草兼大幅縮程必無人信，出冷好時機。

　　第八場三班1650米，「卓爾名駒」上場初跑同程即入位，表現出色，莫雷拉唔放手一定砌到贏為止。「獅鷲」終於返回贏馬路程，排埋一檔起步絕對係黃金機會，幕後點會錯過。耀鈞