錫菲聯超班橫素英甲

猪拉多纳

兩支歐洲名牌球隊曼城同巴塞上周末齊齊倒灶，其中巴塞內部明顯有問題，似係教頭搞唔掂班波，而有外籍大戶一早睇到呢點，上仗臨場喪追下盤，華拉度列入波後再追兩浸下盤，真係藝高人膽大！西甲家陣最有冠軍相係皇馬，班波愈踢愈好，睇怕巴塞都好難追到喇，今次巴塞於歐聯鬥曼城又讓得多，呢場可博下盤兼大盤。

講番今次重心推介先，英甲賽事錫菲聯主場對卡素爾，捧主隊！肥叔開季曾經睇好錫菲聯可以爭上英冠，但呢班波之前踢落唔多穩定，搞到頻頻失分，不過，佢哋本身係有好班底，而且架構好，去到2014年終於踏入收成期，近期贏到開巷，於足總盃越級挑戰各路強手一樣打到曉飛，反映球隊仲有唔少上升空間。錫菲聯返到英甲根本超班，今場有力再贏！

（周四凌晨3時45分開賽）
韋根穩o趙錫周三

跟住睇場英冠賽事，韋根主場對錫周三，韋根上場足總盃爆大冷砌低曼城，唔少熱門客輸到攤攤腰，查實呢支英冠球隊班底真係唔錯，當中唔少球員根本有級數打英超，連曼城都贏到，呢次面對英冠下游分子錫周三贏面好高，呢場可捧上盤！

(周四凌晨3時45分開賽)