阿德撼悉尼「大」有睇頭

猪拉多纳

鬥攻爭入季後賽

澳職常規賽步入尾聲，各路大軍為咗爭奪季後賽席位，喺最後呢4輪聯賽肯定鬥個你死我活。排第6嘅阿德萊德聯今日主場迎戰第5位嘅FC悉尼，打和只會益咗其他對手，既然雙方都唔甘於攞1分走，1.65倍入球大抵玩。

（有線64及203周五下午4:30直播）
悉尼中後場勁殘

雖然阿德萊德聯狀態一般，近4戰僅1勝，但當佢哋一返到主場即刻踢高幾班波。事實上「阿德」自從上年12月中開始主場未輸過，上場主場更大炒威靈頓鳳凰5:1，加上中場大將法比奧費拉拿傷愈披甲，令球隊幾可以最強攻擊陣容應戰，使驚呢支澳職主場入球王會食白果？

對手FC悉尼最近頻頻搶分成功，近5場袋走10分，更場場有「士哥」。

球隊首席射手迪比亞路今仗極可能復出領軍，須知道呢位前意大利國腳唔單止射術了得，更可以為隊友鋪橋搭路，大大增強球隊火力。

不過，FC悉尼守將柏迪保積等3件中後場球員倦勤，後防有隱憂，睇怕佢哋今次交手有望連續6次開出入球大。