史特加漢堡換帥細界變

猪拉多纳

德甲護級戰史特加主場對漢堡，兩軍今季都攻強守弱，經過25輪聯賽後，開大盤率都達到72%，僅居於賀芬咸及多蒙特之後，並列第三，不過要留意兩軍近期換帥後踢法都有明顯改變，Oliver今晚決心反數據，推介有2.19倍好分頭嘅細盤。

（周六晚10時30分直播）
0比0史隆卡都收貨

經歷連續9輪聯賽加埋僅得一分慘況後，史特加喺上仗前決定換帥，接手嘅史堤芬斯首仗作客雲達不來梅已放棄主攻踢法，最終賽和1比1保住一分，史堤芬斯喺06至07年球季就係憑穩守踢法救番漢堡，佢喺07年2月接手時漢堡仲喺包尾位置，經過14輪聯賽竟然以第7名過終點，確有功架！如今佢對番認識甚深嘅漢堡當然知道點踢。史特加自去年9月至今18場聯賽場場有失波，史堤芬斯已經明確表示要改變呢個弱點，今晚就算主場都以不失為先。

漢堡換上史隆卡執教後亦一樣先重防務，上任後踢咗4場已搶到7分，近3仗兩度開細盤，上仗對紐倫堡踢到80分鐘仲係0比0，直至末段因為紐倫堡嘅烏龍波同補時入波至意外咁開出大盤，漢堡後防表現有明顯改善，何況今仗作客即使和波，漢堡喺排名上仍然可以壓住史特加，0比0會係史隆卡心願以足嘅賽果。呢場護級戰雙方都以不敗為先，入球唔會多，細盤相當值博。
Oliver 推介

史特加 細

4★

禾夫斯堡 勝

3★

慕遜加柏 勝

3★