電訊太子C+3醒

猪拉多纳

　　今日田戰我哋隻「電訊太子」有份出賽，角逐第四場四班1600米，回配前仗贏馬騎師莫雷拉，爭勝機會當然不俗；事實隻馬自從轉戰同程田草1600米後，演出相當好，已經連續四戰共獲兩冠兩亞全入Q佳績。而今次最有利仲係，跑番兩次贏馬嘅C+3跑道，如果發揮出本身應有水準，可望取得今季第三W，到時我哋一家可同朋友齊齊拉頭馬分享喜悅。

　　另一匹心水係尾場「首席」，今季仲未贏與略欠運氣有關，唔係影相輸就係陣上走不利場地；今次賽前試埋閘仄準兼等番首本1400米先出，矛頭已直指呢仗，如無意外可順利贏番場。(張敬山)