彩球重戴罩到位

猪拉多纳

　　今次泥地賽事沈集成馬房有三匹正選馬列陣，兩匹用潘頓，一匹用莫雷拉；雖然出馬數目少，但精兵制反而更有搶胡本錢，再者，全部起用硬淨的配搭，我認為有重視之必要。

　　第一場五班1200米，「彩球」來港時本乃一匹評66分的PP，查實在上手蘇保羅馬房時，於去季試泥地大閘已有不俗的走勢，預期落場跑泥地會有更進步之表現，奈何直路上連番窒步提早收韁，也許當日濕慢地對其亦構成一定影響，所以輸了我也未有死心。如今此駒已蟬過別枝，由沈集成接手，睇到沈以一種很積極的態度去處理，但兜兜轉轉，反反覆覆，輾轉間已淪落至第五班。雖然上仗初落五班仍失望，但要留意之前大閘一直有眼罩，等番雷神披甲而今次關鍵是重戴眼罩，埋門再做大閘始戰，以其千二磅噸位放得出已經夠殺。

　　第二場四班1200米，「幾叻仔」自10月份勝後未再上名，但一而再、再而三在不利處境下蝕盡形勢而追得勁，加上外地有三勝1200米膠沙地紀錄，所以上賽同程受到關注，可惜起步時甩漏，敗象早呈，但末段追勢也不失禮，感覺上體力無真正損耗。今番原庄配搭繼續跑泥地短途，倘是上賽失望的話，潘頓又點會再跑呢！廖浩賢