史浩克食硬哈化

猪拉多纳

踩油搶「老二」位

拜仁慕尼黑3月封王，德甲好似變得冇乜嘢好睇，不過一日未過第34輪，賽季都未完，比賽依然要繼續。史浩克04仲有機會爭亞軍，要得到直入歐聯嘅入場券，今輪對住近況唔掂嘅哈化柏林，一定照樣去到盡。史浩克讓一球，一於捧2.8倍「讓球主勝」！

（有線61及201︑廣東體育周六凌晨3:30直播）
亨特拉爾4場入6粒

排第3嘅史浩克近期喺聯賽表現唔錯，上場作客一樣爭緊亞軍嘅多蒙特都可以力保不失。佢哋依家同下半季表現走晒樣嘅利華古遜，積分上有4分差距，只要史浩克穩打穩紮，要保住第三應該唔係問題。史浩克最大問題係傷兵滿營，內田篤人、賀維迪斯等後防球員都因傷缺陣。不過，佢哋前線火力之強，就足以彌補傷兵問題；當中亨特拉爾近期狀態Fit到漏油，近4場聯賽入6球。

至於哈化柏林就頹到爆，連續5場不勝之餘，同史浩克一樣亦要面對大量傷兵問題。而且守將施巴斯坦蘭甘今場又停賽，兵源已經十分短缺。上場有波入嘅射手阿祖安拉莫斯大腿有傷，今場上陣成疑，冇埋佢，哈化柏林想入波都難，呢個「讓主」撐得過。