自動導航異軍突起

猪拉多纳

　　五位練馬師遠征杜拜，在港廐務可有荒廢？賭博士對此不願置評，但看過剛戰八場泥地夜賽，幾個二線倉口皆乘機發難，計有苗禮德奪三W，就連胡森也大搏殺，出馬四匹獲一贏兩位。事實說明一點，就是部分馬房趁強敵減少，遂吼準此際良機郁手，藉以收取事半功倍效果。

　　方嘉柏今季成績大不如前，暫時取得三十W，頭馬數目未及上季一半，勝出率和上名率也同時下降，今日「池中無魚蝦為大」，不排除來個異軍突起。先講頭場「自動導航」，在港唯一勝仗來自泥地1650米，今次角逐田草五班1600米，場地性能雖略輸蝕，但天文台預測今日或有雨，記得小方曾經講過，此駒擅長應付黏軟場地，從前仗跑泥地爆冷告捷，其言論盡可得到印證；馬兒臨場勢成冷門，值得細W大P捧場。

　　再講第六場四班1400米的「喜發龍」，先前見牠愈跑愈瘦，狀態明顯遠離水準，今仗喜見驟增廿幾磅，體重接近季內上名時，故有理由相信，這匹五歲馬逐漸重納正軌。

　　至於1400米乃「喜發龍」最佳出路，上仗角逐嫌短的谷草1200米，湯智傑論盡百出，蝕位無數下負於頭馬三乘，今強配潘頓可捧。