筍盤益你:步速偏快捧金寶駿

不死鸟

 第二場出馬唔滿額，噚日「福龍」退出後得番十一隻跑，不過馬少場合形勢未必單純，一於向有分頭?馬埋手。同場好多馬近績麻麻外，呢場四班千六米亦有唔少放頭馬，「戴宗」、「寶天利」、「龍馬精神」預計都會放頭，相信早段至少會有正常甚至偏快步速，咁對靠後上食胡嘅「金寶駿」應有利。

       今季「金寶駿」只上名兩次，其中千六米嗰場?形勢同今仗差唔多，「開心錢」、「寶天利」出閘後領放，末段「金寶駿」、「危險英駿」從外叠雙雙殺上，結果前駒影相僅敗跑第二，後駒依家評七十六分，反映四十六分嘅「金寶駿」隨時可出搫。

        由於近績差，預計臨場「金寶駿」會有一定分頭，咁就喺晒幕後作風，事關以往同主廐「連連賺」、「連連旺」都係有賠率嗰陣表現較佳，「金寶駿」續配徐君禮負一一六磅，大家千祈咪睇小。

        目前德甲排頭位嘅禾夫斯堡同第五位漢堡只差五分，聯賽連埋呢兩晚仲有四輪就結束，咁今晚排第四嘅史特加主場迎戰禾夫斯堡，又點會唔精采﹖主隊臨近季尾愈戰愈勇，既然仲有機會爭冠軍，今次唔使講必然出盡渾身解數。

         史特加近六次喺主場對禾夫斯堡得四勝兩和，加上前仗禾夫斯堡作客鬥榜尾分子科特布斯都輸○比二，今次對手更強自然唔易取分，讓球盤開主隊讓平半，捧主勝係明智之選。