百戰百勝喜遇柏寶

猪拉多纳

　　今次谷戰提供第五及第七口孖寶。

　　第五場四班1650米，「準備就緒」是今季來港的PPG，已跑過三場，由初出的1200米到上場1600米，每仗都增程二百，上場更取得首次上名。今仗雖初跑谷草，但在港同父馬如「迎風飄揚」乃此程好手，估計應跑，最重要是對手減弱，可望贏馬開齋。「回鄉更好」近期明顯落腳慢，所以今仗增程初跑1650米部署正確，此駒來港前贏過1400米，應有點長力，出王牌咪睇小。

　　第六場三班1000米，「奧妙繽紛」兩勝同程，差不多均是一放到底，今次抽一檔可謂如虎添翼，只要出閘順利，頭馬應手到拿來。「幸福指數」前仗在港初出即於同程跑第三，表現不俗，上場轉戰田草直路賽面對「神舟十號」及「朋友仔」等惡馬亦所負不遠，足證三班分量十足。今回跑上名路程有力提升名次。

　　第七場三班1200米，「百戰百勝」近兩仗同程均追得唔錯，今戰A跑道更有利後上，柏寶硬功騎法正合，勝望不俗。「遊俠兒」專攻此程，已獲一勝一位，賽前特意試課谷閘省一省，走來亦出色，潘頓再騎力足稱雄。第八場三班1800米，「強中堅」季內七戰全落第，減至目前70分乃上季贏馬時水平，薛達志馬房近期手風轉順，可施冷箭。「君河」近兩次跑同程贏晒，今仗三檔亦有助其貼欄均速跑法，亦要兼顧。耀鈞