首爾有Heart夠贏三箭

猪拉多纳

歐聯八強戰開波，英超褪色勁旅曼聯主場鬥拜仁慕尼黑，「紅魔鬼」已非歐洲一線球隊，今次主場都受讓一球，部分莊家更開到拜仁讓一球、球半，全面睇好拜仁可以贏波。不過，曼聯呢場擺明踢下風波，贏輸都冇乜問題，咁樣反而更有利發揮，呢次受讓可以小試下盤，兼顧埋入球大。

同日亞冠盃賽事FC首爾主場對廣島三箭，首爾話晒都係上屆亞軍，實力當然有番咁上下，呢隊波亞洲賽經驗豐富，而且班土砲好有卡士，今次主場出擊絕對值得留意。三箭雖然係日職頂級球會，但出到亞洲賽始終都係唔夠級數，特別係佢哋對待亞冠盃態度唔係好認真，呢點係兩隊最大分野，三箭今場受讓都信唔過，捧首爾啦！

（now 671周二晚6時30分直播）
賓福特信心保證

同日英甲賽事錫菲聯主場對賓福特，肥叔季前睇好呢隊波前景，但係錫菲聯之前失分太多，去到季尾已經好難追，反觀我老友隊賓福特愈踢愈有，依家力爭直接升班席位，無論鬥志同士氣都好過對手多多聲，今場作客讓波更顯信心，一捧要上盤！

（周三凌晨2時45分開賽）
肥叔心水

FC首爾 上盤

巴塞隆拿 大

曼聯 下盤、大

韋根 平手盤

賓福特 上盤