武士神駒強項交代

不死鸟

近來馬會有關高層處事惹來各方批評，就正如剛次谷草夜賽，於周二晚大約8時03分，在網上突然宣布梁家俊座騎全部易配，表面上無不妥，但係作為出日報?傳媒就大鑊，因為馬經版很多已經一早在6時至7時前交晒版到印製機房印刷，8時肯定已經全部印妥，難怪某龍頭大報經開會後，決定唔改版，因為無乜理由再從新做過晒，費時失事兼浪費金錢。而據《新報》馬經?同事得悉此遲來的馬會換人訊息，亦突然之間打亂晒陣腳，各手足即時再從新做過有關梁家俊座騎易配?資料，在時間緊迫下仍能趕得及改到交版，事後各手足卻一肚氣，炮轟馬會主理人靠害。點解唔等明天早上才公布呢！據聞梁家俊唔係突然身體不適，而有關方面一早已知悉，又點解唔在該日早?公布呢？由此可反映，馬會各部門溝通不足，間接令到傳媒帶來不便乃不爭事實，希望馬會各有關部門要開會檢討，在大家互助精神下，不要再重蹈覆轍。
第六場四班1400米（草地）。「武士神駒」兩戰此程得一亞一第四，以牠該場所負?頭馬係實力份子「金添好運」，難怪柏寶棄騎剛戰得第二的「旅遊小子」揀選「武士神駒」上陣，有好賽績支持兼得柏寶重視，馬膽之選非牠莫屬。「武士神駒」同系馬係「友誼至上」、「樂意洋洋」此類實力超級好馬，由此反映牠實力亦不弱，而牠季內四戰名次拾級而上，顯見牠經過連場實戰後，勇熟有進，而近兩戰得第二及第四所負頭馬均是實力份子，足證牠現居四班份量亦十足，當銳實力不弱分子，今次再跑回有根據田草1400米，練者方嘉柏吼準強項而來，強配柏寶操刀，擺明車馬決心贏馬省招牌。
第九場三班1200米（泥地）。「領航動力」剛戰泥地1200米得第三，論走勢不輸蝕頭馬「善戰」及亞軍「特綵」，不過該役其狀態不夠對手銳，而牠拚入第三亦交回本身水準，而拚完上仗後，雖然以踱步為主，但馬匹神態甚生，顯見經過上場實戰後，勇態攀升甚好，今次再跑回有根據途程，強配杜利萊操刀，已擺出決心爭功。