惜福突然有飛

猪拉多纳

　　早幾日橫風橫雨，有啲地方仲要落雹，天氣反常，實在好難預測今晚會係點，但係投X者好似冇有怕咁，隔晚好幾場賽事都搵到重心大熱門，信心十足應該有料到。

　　噚日睇飛，發現兩匹落班馬嘅飛數明顯唔同晒，佢哋係第二場「的確好靚」同第五場「惜福」（見表）。先講「的確好靚」，呢匹馬上仗獨贏賠率係30倍，或多或少同蝕分跑四班賽有關，果然，佢最終只能夠跑第九，但係今次一落番嚟五班，就算排外檔都係得9倍左右，明顯係有飛，一定要信。

　　至於第五場嘅「惜福」，至今五戰，最叻嗰次先係跑第四，仲要係上季嘅事，所以今季三場賽事嘅賠率都非常冷，徘徊喺16至36倍之間，今次一落班，文家良即刻安排佢跑谷草，隔晚突然只得7.5倍，可能有料到。騎師王方面，潘頓得1.8倍係正常，事關佢好多惡馬在手。(周仲)