ＦＣ山東打鐵趁熱

猪拉多纳

西亞球隊曾幾何時於亞洲足球賽事叱咤風雲，不過，近年沙特阿拉伯同伊朗等傳統勁旅水平顯著下滑，連帶國內聯賽發展都受到影響。反觀中國球隊成為東亞區新興勢力，主要因為有銀彈戰術，吸引到不少優質外援幫手，上屆FC廣州（廣州恒大）惡晒，今屆連FC山東（山東魯能）同FC北京（北京國安）都有料到，絕非偶然。

今次肥叔重心推介都係揀番場亞冠盃，FC山東主場對浦項制鐵，山東今季打正旗號要挑戰恒大霸者地位，唔止國內賽事要爭，連亞冠盃都要鬥餐死。事實上，呢班波擁有超級射手路夫，前線具備亞洲一線球隊水平。呢個巴西前鋒之前仲幫俄羅斯勁旅莫斯科中央陸軍打緊歐聯，踢亞洲賽事真係高好多！浦項制鐵整體水平稍跌，客場評級亦唔高，今場受讓都信唔過，捧山東！

（周三晚7時30分開賽）
博多蒙特下盤有「里」

同日歐聯兩場大戰，皇家馬德里被捧成一面倒熱門，老實講，去到呢個階段，基本上冇乜邊隊特別弱，多蒙特雖然人腳唔齊，但班波組織好，今場唔係冇得還手，入球大可以一試，亦可小試下盤博雙殺。