聖羅倫素爆廠返勝軌

猪拉多纳

阿甲球隊聖羅倫素近期因要分心南美自由盃，以致連續多場賽事都贏唔到。不過，聖羅倫素今仗回師表現非常穩定嘅主場，面對作客表現不濟嘅沙蘭迪兵工廠，相信有望重返勝軌，今仗一於捧主隊贏波。

（周五早上7時15分開賽）
沙蘭迪兵工廠分心自由盃

聖羅倫素上仗雖戲劇性逼和堤格雷，但球隊喺阿甲及南美自由盃兩項賽事已連續7仗不勝。不過，細心察看會發現，聖羅倫素呢7場賽事入面，有5場都係作客，而兩場主場都錄得和波，今仗回師近10仗取得7場3和嘅主場，雖有中場尼斯圖奧迪高沙及後衞華特簡尼紐文坐波監，但仍可獲得一個重返勝軌嘅機會。

沙蘭迪兵工廠上仗聯賽雖力克高隆，但要留意該仗屬主場賽事，球隊喺次循環作客除擊敗實力平平嘅奧林普之外，其餘賽事錄得全敗收場。沙蘭迪兵工廠今季要分心南美自由盃，以致喺本土聯賽表現一般，加上球隊人腳較為匱乏，要喺頻密賽程下維持戰鬥力並不容易，今仗面對聖羅倫素相信難再延續上輪贏波嘅佳績，一於捧主W！
甘拿斯亞難勝堤格雷

另外，上輪以1比5大敗於沙士菲腳下嘅甘拿斯亞，球員士氣難免會有所影響，今仗更有後衞列卡度戴亞斯及比倫基奧停賽，回師主場面對堤格雷都難言穩勝。堤格雷近7仗和5場儼然成為「和波專家」，今仗客場出戰相信都會沿用此踢法，一於捧讓球客勝。

（周五凌晨4時開賽）