尼奧特爭升班主Ｗ值支持

猪拉多纳

法乙頭三名來季可以升上甲組，現時梅斯、朗斯應可穩佔兩席，反而最後一個升班資格就爭崩頭，由第三位嘅昂熱至第九位嘅迪安只有四分差距，每場勝負都足以扭轉形勢。
迪安近況麻麻

暫時排第四嘅尼奧特今晚主場迎戰迪安，迪安對上八場聯賽只係贏過包尾大幡CA巴斯蒂亞，狀態一般。尼奧特主場表現穩定，踏入2014年佢哋踢咗五場主場聯賽，共取得四勝一和佳績，演出充滿說服力。睇埋兩軍近六次喺法乙交手，尼奧特保持4勝兩和不敗佳績，包括主場3連勝，今場簡單捧主W。

（周六凌晨2時開賽）