卡城主場撲水救命

猪拉多纳

護級６分波有你冇我

英超同英冠唔單只水平有距離，連收入都差一大截，所以好多球會都希望殺上英超掘金，另一方面，各支英超護級球隊亦唔想失去賺大錢嘅機會，同樣會奮力保住頂級聯賽席位。去到季尾呢個階段，英超護級形勢漸見明朗，榜尾四弱最危，但佢哋仍會盡最後努力求翻身，揀波時可以諗埋鬥志呢一瓣。

今次重心場次揀場英超護級大戰，由卡迪夫城主場對水晶宮，肥叔捧主隊！「卡城」馬來西亞班主陳志遠民望唔算好高，但其實佢放咗唔少資源落班波度，淨係搵個名牌教頭蘇斯克查已經落重本，起碼都叫有誠意幫球隊護級。「卡城」人腳唔算強加上作客唔叻，往往靠主場搶分，呢次對住同級對手水晶宮係贏波黃金餐士，肯定會搏盡，讓平半盤口合理，呢場可博上盤。

（now 622周六晚10時直播）
慕遜加柏讓波靠唔住

同日德甲賽事紐倫堡主場對慕遜加柏，主隊又係要護級，呢類球隊睇落一定唔起眼，但去到呢個時候會搏晒老命，往往踢高一班波。慕遜加柏客場水準飄忽，若然受讓都可留意，但讓波真係唔多靠得住，紐倫堡有望成功搶分，下盤博得過。

（周六晚9時30分開賽）