甜城效應飛數誇張

猪拉多纳

　　今個賽日嘅隔晚飛相當亂，除咗第三場「步步友」嘅飛數似樣之外，其餘場次唔係由處女馬做大熱，就係熱門票數唔夠信心，睇嚟係爆冷格。

　　噚日發現有三匹馬隔晚票數幾勁，佢哋分別係第六場「甜城效應」、第七場「跑寶貝跑」同第八場「贏到爆」（見表）。三駒之中，周某最鍾意第六場「甜城效應」，事關佢噚日飛數誇張。「甜城效應」今季二月二十三日轉高廐初出，結果喺冇咩人睇好下，以24倍冷門身份獲冠，上仗增程跑1600米，唔知點解，贏完好似冇人信咁，閘前得9.8倍，結果又真係得第六。反而呢次排個三檔，飛數又嚟料，噚日曾一度維持喺2.2倍左右，要信。騎師王方面，韋達開盤冇耐就由3.2倍調節至3倍，應該有料到。(周仲)