華倫失色冇本錢讓波

猪拉多纳

歐霸盃矚目程度肯定唔及歐聯，但講到菠菜價值絕對唔差，其中瑞士球隊巴素利又一次製造令人意外嘅賽果，呢班波名氣唔大，但踢落真係好犀利，肥叔都好有信心，賽前周圍叫人捧呢班波，結果順利大炒華倫西亞，睇落絕非符碌之作，有力成為一路奇兵。

華倫西亞現時於歐洲球壇仍然有名氣，不過班波踢落唔叻，今次返聯賽作客華拉度列要讓波，捧對家！華倫以往係西甲第二梯隊，有一期甚至威脅到名牌球隊巴塞同皇馬，出到歐洲賽都有料到。不過一切都已成往事，依家佢哋人腳只係普通貨色，打歐霸盃亦冇乜超班感，唔好睇得太高。護級分子華拉度列獨沽一味靠主場搵食，早前主場砌低巴塞唔講得笑，呢次受讓好着數，下盤捧得過！

（周一凌晨3時開賽）
艾爾切上盤有「基」

同日另一場西甲護級大戰，艾爾切主場對基達菲，兩軍同降班區球隊只得一、兩分之差，輸波隨時跌落危險地帶，呢場肯定砌盡。艾爾切主場發揮平穩，呢點係最大優勢，反觀基達菲客場慣性失準，就算上次作客贏完都冇乜說服力。艾爾切主場讓平半至半球，預期可贏波贏盤，值得大家留意。

（周日晚11時開賽）