雷神黑雨剃潘頓眼眉

猪拉多纳

上月尾，莫雷拉一度追至只落後潘頓4W，可惜犯規被罰停賽，期間後者趁機數胡，二人又拉開至8W差距，雷神今期復出再追過。沈廐「凱倫之寶」上仗配潘頓大熱倒灶，今次重投莫雷拉胯下，為挫勁敵銳氣，必定加多兩錢肉緊。
       
「凱倫之寶」開齋一役由莫雷拉操刀，人馬合拍。

出自香港國際馬匹拍賣會的「凱倫之寶」，今季初出已有亮麗表現，其後由莫雷拉打開勝門，再出換田泰安亦得第二，然而上仗改配一哥潘頓，捧成1.9倍大熱卻只得梗頸四，今次重配贏馬拍檔雷神，在情在理也不會手軟。
       
「喜寶駒」前速飛快，三升二依然具威脅。

莫雷拉說：「『凱倫之寶』是匹不可多得的好馬，鬥心極強，早熟且氣量充沛，縮程跑一哩亦合腳法。日前替快試狀態對辦，比贏馬時更進一步，如臨場步速形勢配合，可望再闖凱旋門。」
       
雷神刑滿復出，繼續追趕潘頓。

周三谷戰，雷神另一實力坐騎「喜寶駒」，剛戰谷草三班1000米一放到底，勝後加分升上二班，莫雷拉也無懼對手增強，並認為仍有一定威脅。
       
喜寶駒升班大無畏

他說：「『喜寶駒』潛質優厚，上仗小休復出，依然可以輕勝而回，體力方面明顯佔到一定優勢。今次再跑首本路程谷草1000米，升班負磅驟減，爭勝條件依然理想，力足跟二班對手抗衡。」
       

文：陳妙盈