拜仁讓到走火入魔

猪拉多纳

歐聯八強次回合賽事成為菠菜界焦點，去到呢個階段愈來愈多人留意呢項大賽，莊家亦乘勢推出更多玩法，希望可以藉此增加投X額。走地角球、單隊總入球等玩法都係基本嘢，首名入球球員同最後入球球員都有得玩，連黃牌都可以賭，呢啲都唔係菠菜公司重點玩法，但起碼多條財路，仲可以製造菠菜氣氛，生意都好啲啦！

今次兩場同樣都係好戲碼，拜仁慕尼黑主場鬥曼聯仍然係市場焦點，「紅魔鬼」首回合打出代表作，呢類歐洲頂級球會爛船仲有三斤釘，集中火力部署打大波踢落絕對唔曳，個個都認為佢哋同拜仁差兩班波，結果跌晒眼鏡。拜仁係歐洲頂級球會，甚至被普遍行家視為歐洲最強球隊，所以逢出必讓得辣，今次返主場足足要讓球半、兩球，又係誇張到不得了，預期臨場仲有機會再落飛。如果呢場有兩球盤，下盤係博得過，球半、兩球係尷尬位，呢場玩入球大好過。
馬體會主場受讓筍

同日另一場歐聯係西甲內戰，馬德里體育會今季一再證明有條件挑戰巴塞同皇馬，佢哋首回合打落絕不輸蝕，兩隊都已經熟晒路，巴塞因為名氣大，所以今場又要讓波，個盤真係唔抵玩，呢場正路應該開平手盤，馬體會現時盤口有利，值得留意。