威武福星篤定補中

猪拉多纳

　　潘頓剛戰谷草食鋪大四喜，目前在騎師榜領先莫雷拉11W。今日田戰潘頓共騎10駒，贏得嘅馬亦唔少，可望擴大爭冠優勢；其中列陣尾場三班草地1400米孫廐的「威武福星」，上仗同程直路曾嚴重受困，到望空衝刺時卻姍姍來遲，最終僅以頸位屈居第三，若然沒有意外，賽果必定可改寫。睇番此駒上季入位後，再出即贏馬補中，今次又如出一轍，可望照辦煮碗。

　　「華美之星」轉東廐後雖尚未勝出，但一再跑得好，今場三班賽因評分上限擴闊至85分得以合資格參戰，雖則要負133頂磅，對手卻減弱得多，鄭雨滇曾兩捷亦十分合拍，隨時是騎者今季開齋馬。

　　陽明星星q檔好跑

　　另外，第九場三班草地1600米，「陽明星星」上場同程沿途外叠，走來明顯不順，但仍跑獲接近的第四，表現其實甚佳；今次排一檔重戴眼罩應該好跑，韋達唔放手必求補中。

　　「共創美好」自從季初三捷後曾回氣一段時間，直至上仗重新入位，反映狀態慢慢回起中，馬少場合易搵位衝，亦屬爭勝分子。

　　（向東）