卡達聖主力所在

猪拉多纳

　　今晚最高班一組賽事為第七場一班1650米，亦是唯一錦標香港欖球總會盃，大摩出兩駒，屬馬房首選配上莫雷拉兼排一檔的「風花雪月」，必然較受重視，不過始終初跑谷草，場地性能有疑問，如捧得太熱會有一定戒心。

　　相反，廐侶「卡達聖」季內雖然尚未贏馬，卻連場在級際賽跑得相當好，包括在華商會挑戰盃1400米得第二，僅以四分三身位不敵其後贏國際一級賽的「綽力之城」，盡顯本身級數；今次轉過嚟曾兩捷之谷草，除了性能有根有據外，最重要一點仲係對手實力減弱，未交代馬分分鐘至係主力所在。

　　東廐「美麗之星」靠放頭食胡，所以今仗轉戰谷草一定合適，若然放出後能操控步速，隨時可以加入戰團。

　　另外，頭場五班1200米，告廐「時尚風華」上場同程除番眼罩即回復真面目，只負於已升上四班的「金磚五國」；今次強手已去且排檔仍然好，大有機會贏番場。「元豐泰」獨沽一味谷草1200米，扳到韋達兼有運抽埋一檔，必好好把握爭勝良機。

　　（向東）